حضرت زید بیان کرتے ہیں ہم نے حضرت علی (رض) سے سوال کیا آپ کو کس پیغام کے ہمراہ بھیجا گیا تھا انھوں نے جواب دیا مجھے چار احکام کے ہمراہ بھیجا گیا تھا یہ کہ میں اعلان کردوں جنت میں صرف مومن ہی داخل ہوں گے اور کوئی برہنہ شخص بیت اللہ کا طواف نہیں کرسکے گا اس سال کے بعد آئندہ سال مسلمان اور کافر ایک ساتھ حج نہیں کرسکیں گے اور جس شخص کا نبی اکرم (صلی اللہ علیہ وآلہ وسلم) کے ساتھ کوئی معاہدہ ہے وہ معاہدہ طے شدہ مدت کے لیے کافی ہوگا اور جس شخص کے ساتھ کوئی معاہدہ نہیں ہے اس کے لیے چار ماہ کی مہلت ہے یہ بات انھوں نے قربانی کے دن بیان کی تھی اور ان لوگوں کی مہلت بیس ذوالحج تھی چار دن کے بعد تم انھیں قتل کردینا۔