حضرت انس بن مالک بیان کرتے ہیں فتح مکہ کے موقع پر جب نبی اکرم (صلی اللہ علیہ وآلہ وسلم) مکہ میں داخل ہوئے تو آپ کے سر پر ایک خود تھا آپ نے اسے اتارا ایک شخص آپ کے پاس آیا اور عرض کی یا رسول اللہ ابن خطل کعبہ کے پردے کے پیچھے چھپا ہوا ہے نبی اکرم (صلی اللہ علیہ وآلہ وسلم) نے ارشاد فرمایا اسے قتل کردو۔ عبداللہ بن خالد بیان کرتے ہیں امام مالک کے سامنے یہ حدیث بیان کی گئی کہ ابن شہاب بیان کرتے ہیں اس دن نبی اکرم (صلی اللہ علیہ وآلہ وسلم) حالت احرام میں نہیں تھے۔