حجیہ بن عدی بیان کرتے ہیں ایک شخص نے حضرت علی (رض) سے سوال کیا اے امیرالمومنین گائے کا کیا حکم ہے انھوں نے جواب دیا سات آدمیوں کی طرف سے ہوسکتی ہے میں نے جواب دیا سینگ میں کوئی نقص ہو تو انھوں نے جواب دیا اس سے تم کو کوئی حرج نہیں ہے۔ حجیہ کہتے ہیں کہ میں نے سوال کیا لنگڑے کے بارے میں آپ کیا کہتے ہیں انھوں نے جواب دیا اگر قربان گاہ تک پہنچ جائے پھر انھوں نے فرمایا نبی اکرم (صلی اللہ علیہ وآلہ وسلم) نے ہمیں یہ ہدایت کی تھی کہ ہم جانوروں کی آنکھ اور کان کا جائزہ لے لیا کریں۔