سیدہ عائشہ (رض) صدیقہ بیان کرتی ہیں پہلے نبی اکرم (صلی اللہ علیہ وآلہ وسلم) نے تین دن قربانی کا گوشت کھانے سے منع کردیا تھا۔ جب اگلا برس آیا تو لوگوں نے قربانی کی میں نے عرض کی یا رسول اللہ اس قربانی کی وجہ سے لوگوں کو بڑی سہولت ہوتی تھی وہ اس کے گوشت اور چربی کو محفوظ کرلیا کرتے تھے نبی اکرم (صلی اللہ علیہ وآلہ وسلم) نے کہا کہ اب انھیں کیا ہوا ہے میں نے عرض کی اے اللہ کے نبی کیا آپ نے گزشتہ سال لوگوں کو تین دن کے بعد قربانی کا گوشت کھانے سے منع کیا تھا نبی اکرم (صلی اللہ علیہ وآلہ وسلم) نے ارشاد فرمایا وہ میں نے اس لیے منع کیا تھا کیونکہ دیہات اور جنگلات سے کچھ لوگ آئے ہوئے تھے تاکہ انھیں بھی اس گوشت میں سے کچھ مل جائے باقی اب وہ لوگ اسے کھا بھی سکتے ہیں اور اسے ذخیرہ بھی کرسکتے ہیں۔