حضرت ابن عباس (رض) بیان کرتے ہیں حضرت میمونہ کی بکری مرگئی نبی اکرم (صلی اللہ علیہ وآلہ وسلم) نے فرمایا اگر تم اس کی کھال کو استعمال کرلو تو یہ مناسب ہوگا لوگوں نے عرض کی یا رسول اللہ وہ مردار ہے نبی اکرم (صلی اللہ علیہ وآلہ وسلم) نے ارشاد فرمایا اسے کھانا حرام ہے۔
یہی روایت ایک اور سند کے ہمراہ حضرت ابن عباس (رض) سے منقول ہے۔ امام دارمی سے سوال کیا گیا لومڑی کی کھال کے بارے میں آپ کیا کہتے ہیں اگر اسے دباغت دی جائے تو وہ پاک ہوجائے گی انھوں نے جواب دیا میں اسے مکروہ سمجھتا ہوں۔