حضرت انس بن مالک بیان کرتے ہیں ہم نے ایک خرگوش کا پیچھا کیا ہم اس وقت مرالظہران کے مقام پر تھے کچھ لوگ اس کے پیچھے گئے لیکن اسے پکڑنے میں کامیاب نہیں ہوسکے میں نے اسے پکڑ لیا اور اسے لے کر حضرت ابوطلحہ کی خدمت میں آیا حضرت ابوطلحہ نے اسے ذبح کرلیا اور اس کی رانیں نبی اکرم (صلی اللہ علیہ وآلہ وسلم) کی خدمت میں بھیجیں نبی اکرم (صلی اللہ علیہ وآلہ وسلم) نے انھیں قبول کرلیا۔ راوی شعبہ کو اس حدیث کے ایک لفظ کے بارے میں شک ہے اس میں ورک استعمال ہوا ہے یا فخذ استعمال ہوا ہے۔