حضرت ابومسعود بیان کرتے ہیں ایک صاحب جن کا نام ابوشعیب تھا اور ان کا لڑکا یا غلام گوشت بنانے کا کام کرتا تھا اس نے اپنے بیٹے سے کہا تم کھانا تیار کرو میں نبی اکرم (صلی اللہ علیہ وآلہ وسلم) سمیت پانچ آدمیوں کی دعوت کرتا ہوں پھر اس نے نبی اکرم (صلی اللہ علیہ وآلہ وسلم) سمیت پانچ آدمیوں کی دعوت کی ان حضرات کے ساتھ ایک اور صاحب بھی چلے گئے نبی اکرم (صلی اللہ علیہ وآلہ وسلم) نے فرمایا تم پانچ آدمیوں کی دعوت تھی یہ صاحب بھی ہمارے پیچھے آگئے ہیں اگر تم چاہو تو اسے اجازت دے دو ۔ اور اگر چاہو نہ دو تو میزبان نے اس شخص کو بھی اجازت دے دی۔