حضرت ابن عمر (رض) بیان کرتے ہیں حضرت عمر نے اس بات کا تذکرہ نبی اکرم (صلی اللہ علیہ وآلہ وسلم) سے کیا جب حضرت ابن عمر (رض) نے اپنی اہلیہ کو طلاق دی تھی تو نبی اکرم (صلی اللہ علیہ وآلہ وسلم) نے فرمایا اسے ابن عمر (رض) کو ہدایت کرو کہ وہ اس عورت سے رجوع کرلے اور پھر اس عورت کو اس وقت طلاق دے جب وہ پاکی کی حالت میں ہو۔ امام دارمی فرماتے ہیں ابن مبارک نے اس روایت کو نقل کیا ہے اور وکیع کی روایت میں یہ الفاظ ہیں (یا وہ حاملہ ہو) ۔