حضرت عمر بیان کرتے ہیں یہودی اپنے ایک مرد اور عورت کو لے کر نبی اکرم (صلی اللہ علیہ وآلہ وسلم) کی خدمت میں حاضر ہوئے ان دونوں نے زنا کا ارتکاب کیا تھا نبی اکرم (صلی اللہ علیہ وآلہ وسلم) نے ارشاد فرمایا جو شخص زنا کا مرتکب ہو تم اس کے ساتھ کیا سلوک کرتے ہو انھوں نے جواب دیا ہمیں اس بارے میں کوئی حکم نہیں ملا عبداللہ بن سلام نے ان سے کہا تم جھوٹ بول رہے ہو توراۃ میں رجم کا حکم ہے تم توراۃ لے کر آؤ اور اسے پڑھو اگر سچ کہہ رہے ہو۔ وہ لوگ توراۃ لے کر آئے جو شخص اس کا درس دیتا تھا اس نے اپنا ہاتھ اس آیت پر رکھ دیا جس میں رجم کا حکم دیا گیا تھا حضرت عبداللہ بن سلام نے کہا یہ کیا ہے جب ان لوگوں نے دیکھا تو وہ رجم سے متعلق آیت تھی نبی اکرم (صلی اللہ علیہ وآلہ وسلم) کے حکم کے تحت ان دونوں کو مسجد کے نزدیک اس جگہ پر سنگسار کردیا جہاں جنازے رکھے جاتے تھے۔ حضرت عبداللہ بن عمر (رض) فرماتے ہیں میں نے اس مرد کو دیکھا کہ وہ عورت کو بچانے کی کوشش کررہا تھا اسے پتھروں سے بچا رہا تھا۔