حضرت عبداللہ بن عمر (رض) ارشاد فرماتے ہیں نبی (صلی اللہ علیہ وآلہ وسلم) نے حضرت معاذ بن جبل اور حضرت ابوموسی اشعری کو یمن بھیجا اور یہ ہدایت کی ایک دوسرے کے ساتھ رہنا ایک دوسرے کی بات ماننا اور سہولت فراہم کرنا اور متنفر نہ کرنا یہ دونوں حضرات یمن تشریف لائے حضرت معاذ نے لوگوں کو خطبہ دیتے ہوئے انھیں اسلام کی ترغیب دی اور انھیں قرآن کا علم حاصل کرنے کی ہدایت کی اور ارشاد فرمایا جب تم یہ کرلو گے تم مجھ سے سوال کرنا میں تمہیں بتادوں گا جہنمی کون اور جنتی کون ہے۔ یہ حضرات جب تک اللہ کی مرضی تھی وہاں مقیم رہے لوگوں نے پھر حضرت معاذ سے دریافت کیا آپ نے ہمیں یہ کہا تھا کہ جب ہم قرآن کا علم حاصل کرلیں گے اور اسے پڑھ لینگے تو ہم آپ سے سوال کریں گے اور آپ ہمیں بتائیں گے کہ جنتی کون ہے اور جہنمی کون ہے تو حضرت معاذ نے ان سے کہا جب کسی شخص کا (مرنے کے بعد یا زندگی میں) اچھے الفاظ میں ذکر کیا جائے تو وہ جنتی ہوگا اور جب کسی شخص کا برے الفاظ میں ذکر کیا جائے تو وہ جہنمی ہوگا۔