عتبہ بن عبدسلمی بیان کرتے ہیں نبی اکرم (صلی اللہ علیہ وآلہ وسلم) نے ارشاد فرمایا قتل ہونے والے تین قسم کے ہوتے ہیں ایک وہ مومن جو اللہ کی راہ میں اپنے مال اور جان سے جہاد کرتا ہے جب وہ دشمن کا سامنا کرتا ہے تو اسے شہید کردیا جاتا ہے۔ اس کے بارے میں نبی اکرم (صلی اللہ علیہ وآلہ وسلم) نے ارشاد فرمایا یہ وہ شہید ہے جس سے اللہ کے خیمے میں یعنی خاص رحمت میں امتحان لیا جائے گا جو اس کے عرش کے نیچے ہوگا انبیاء کو اس شخص پر صرف نبوت کے مرتبہ کی فضیلت ہوگی۔ ایک وہ مومن جو نیک اعمال کرتا ہے اور برے اعمال بھی کرتا ہے اور پھر اپنے مال اور جان کے ذریعے جہاد کرتا ہے جب وہ دشمن کا سامنا کرتا ہے تو اس سے لڑتے ہوئے شہید ہوجاتا ہے۔ اس کے بارے میں نبی اکرم (صلی اللہ علیہ وآلہ وسلم) نے فرمایا ایک صفائی کے ذریعے اس کے گناہ اور خطائیں مٹ جائیں گی بیشک تلوار غلطیوں کو مٹا دیتی ہے اور وہ شخص جس دروازے سے چاہے گا جنت میں داخل ہوجائے گا ایک وہ منافق جو اپنی جان اور مال کے ہمراہ جہاد کرتا ہے جب وہ دشمن کا سامنا کرتا ہے تو لڑتے ہوئے مارا جاتا ہے یہ جہنم میں جائے گا کیونکہ تلوار نفاق کو نہیں مٹاسکتی۔ امام دارمی فرماتے ہیں جب کپڑے کو دھویا جاتا ہے تو اس کے لیے لفظ مصمص استعمال ہوتا ہے۔ ( اور یہی لفظ اس حدیث میں استعمال ہوا ہے۔