ابولبید بیان کرتے ہیں حجاج کے زمانے میں جب حکم بن ایوب بصرہ کا گورنر تھا میں نے اپنے گھوڑے کو تیار کیا ہم گھڑ دوڑ کروانے والے کے پاس آئے جب گھوڑے آگئے تو ہم نے سوچا اگر ہم حضرت انس بن مالک کے پاس جائیں تو ان سے اس بارے میں دریافت کریں گے کیا وہ لوگ بھی نبی اکرم (صلی اللہ علیہ وآلہ وسلم) کے زمانے میں گھڑدوڑ کرواتے تھے (تو یہ مناسب ہوگا) حبیب کہتے ہیں ہم لوگ حضرت انس کے پاس آئے وہ زاویہ نامی علاقے میں موجود تھے ہم نے ان سے سوال کیا کہ کیا نبی اکرم (صلی اللہ علیہ وآلہ وسلم) اپنے زمانہ میں گھوڑوں کا مقابلہ کروایا کرتے تھے۔ انھوں نے جواب دیا ہاں۔ اللہ کی قسم نبی اکرم (صلی اللہ علیہ وآلہ وسلم) نے اپنے گھوڑے کو مقابلہ میں شامل کروایا تھا جس کا نام سبحہ تھا پھر آپ لوگوں سے آگے نکل گئے تو آپ کو بہت خوشی ہوئی۔ امام دارمی فرماتے ہیں حدیث میں جو " انہش " لفظ استعمال ہوا ہے اس کا مطلب ہے کوئی بات پسند آجانا۔