حضرت ابوعبدالرحمن بیان کرتے ہیں ہم نبی اکرم (صلی اللہ علیہ وآلہ وسلم) کے ہمراہ غزوہ حنین میں شریک ہوئے یہ سخت گرمی کے دن تھے ہم نے درختوں کے سائے کے نیچے پڑاؤ کیا (اس کے بعد راوی نے قصہ بیان کیا ہے جس کے آخر میں یہ بات ہے) پھر نبی اکرم (صلی اللہ علیہ وآلہ وسلم) نے مٹھی میں مٹی پکڑی اور جو شخص اس وقت نبی اکرم (صلی اللہ علیہ وآلہ وسلم) کے مجھ سے زیادہ قریب تھا انھوں نے مجھے بتایا آپ نے مٹی ان کفار کے چہروں کی طرف پھینک کر فرمایا ان کے چہرے بگڑ جائیں تو اللہ تعالیٰ نے ان مشرکین کو شکست سے دوچار کیا۔ راوی بیان کرتے ہیں ان لوگوں کی اولاد نے یہ بات بیان کی ہے کہ اس وقت ہم میں سے ہر شخص کی آنکھوں اور منہ میں مٹی بھر گئی تھی۔