حنش صنعانی بیان کرتے ہیں ہم مراکش میں ایک جنگ میں شریک ہوئے ہمارے امیر حضرت رویفع بن ثابت انصاری تھے ہم نے ایک گاؤں فتح کیا جس کا نام جربہ تھا تو حضرت رویفع ہمارے درمیان خطبہ دینے کھڑے ہوئے اور ارشاد فرمایا میں آپ حضرات کو وہی باتیں کروں گا جو میں نے نبی اکرم (صلی اللہ علیہ وآلہ وسلم) کی زبانی سنی ہیں غزوہ خیبر کے موقع پر جب ہم نے خیبر فتح کرلیا تو نبی کریم نے ہمارے درمیان کھڑے ہو کر ارشاد فرمایا۔ " جو شخص اللہ اور آخرت کے دن پر ایمان رکھتا ہو وہ کسی بھی قیدی کنیز کے ساتھ اس وقت تک صحبت نہ کرے جب تک اس کا استبراء نہ کرلے۔