حضرت حنش صنعانی بیان کرتے ہیں ہم مراکش میں ایک جنگ میں شریک ہوئے حضرت رویفع بن ثابت انصاری ہمارے امیر تھے ہم نے گاؤں فتح کرلیا جس کا نام جربہ تھا حضرت رویفع ہمارے درمیان کھڑے ہوئے اور ارشاد فرمایا میں یہاں یہی باتیں بیان کروں گا جو نبی اکرم (صلی اللہ علیہ وآلہ وسلم) کی زبانی سنی ہیں جو آپ نے غزوہ خیبر کی فتح کے موقع پر ہمیں ارشاد فرمائی تھیں آپ نے فرمایا تھا جو شخص اللہ تعالیٰ اور آخرت کے دن پر ایمان رکھتا ہے وہ مسلمانوں کے مال غنیمت میں سے کسی جانور پر سوار نہ ہو کہ جب وہ جانور بیکار ہوجائے تو اسے (بیت المال کو) واپس کردے۔ جو شخص اللہ تعالیٰ اور آخرت کے دن پر ایمان رکھتا ہو وہ مال غنیمت میں سے کوئی کپڑا نہ پہنے کہ جب وہ پرانا ہوجائے تو اسے واپس کردے۔