نبی اکرم (صلی اللہ علیہ وآلہ وسلم) کے صحابی حضرت ابوریحانہ بیان کرتے ہیں نبی اکرم (صلی اللہ علیہ وآلہ وسلم) نے دس باتوں سے منع کیا ہے ایک یہ کوئی مرد دوسرے مرد کے ساتھ برہنہ طور پر ایک لحاف میں نہ لیٹے اور ان دونوں کے درمیان کوئی کپڑا نہ ہو۔ دوسرا کوئی خاتون دوسری خاتون کے ساتھ ایک ہی لحاف میں مکمل طور پر نہ لیٹے کہ ان دونوں کے درمیان کوئی چیز نہ ہو اور بال اکھاڑنا اور گودنا اور کوئی چیز لوٹ لینا اور چیتے کی کھال کو زین کے طور پر استعمال کرنا اور کندھوں کے اوپر ریشمی کپڑا رکھنا یا کپڑوں کے نیچے ریشمی کپڑا پہننا۔ امام عبداللہ دارمی فرماتے ہیں حضرت ابوعامر ان کے شیخ ہیں اور اس حدیث میں استعمال ہونے والے لفظ مکامعہ کا مطلب ایک ساتھ لیٹنا ہے۔