حضرت عبداللہ بن عمر (رض) بیان کرتے ہیں نبی اکرم (صلی اللہ علیہ وآلہ وسلم) جب سفر پر روانہ ہوتے اور اپنی سواری پر سوار ہوتے تو تین مرتبہ تکبیر کہتے اور یہ دعا پڑھتے۔ پاک ہے وہ ذات جس نے ہمارے لیے جانوروں کو مسخر کیا ہے ہم تو اس پر قابو نہیں پاسکتے تھے اور بیشک ہم نے اپنے پروردگار کی طرف لوٹ کر جانا ہے۔ اے اللہ میں اپنے سفر کے بارے میں تجھ سے نیکی اور تقوی کا سوال کرتا ہوں اور ایسے عمل سوال کرتا ہوں جس سے تو راضی ہوجائے اے اللہ ہمارے لیے اس سفر کو آسان کردے اور ہمارے لیے زمین کے فاصلے کو سمیٹ دے۔ اے اللہ سفر کے دوران تو ہی میرا ساتھی ہے اور میرے اہل خانہ میں تو ہی خیال رکھنے والا ہے اے اللہ اس سفر میں تو ہمارے ساتھ رہنا اور ہمارے اہل خانہ میں بھلائی رکھنا۔