حضرت براء بن عازب بیان کرتے ہیں نبی اکرم (صلی اللہ علیہ وآلہ وسلم) نے ایک صاحب کو ہدایت کی کہ جب وہ اپنے بستر پر جائیں تو یہ دعا پڑھیں۔ اے اللہ میں اپنا آپ تیرے سپرد کرتا ہوں اور رخ تیری طرف پھیر لیتا ہوں اور اپنا معاملہ تیرے سپرد کرتا ہوں اور اپنی پشت کو تیری پناہ میں دیتاہوں تیری طرف رغبت کرتے ہوئے اور تجھ سے ڈرتے ہوئے تیری بارگاہ کے علاوہ کوئی پناہ اور کوئی نجات نہیں ہے سوائے تیرے میں تیری اس کتاب پر ایمان لاتاہوں جسے تو نے نازل کیا ہے اور تیرے اس نبی پر ایمان لاتاہوں جسے تو نے مبعوث کیا ہے۔ نبی اکرم (صلی اللہ علیہ وآلہ وسلم) ارشاد فرماتے ہیں اگر وہ شخص اسی رات فوت ہوجائے تو وہ اسلام پر مرے گا۔