حضرت عبادہ بن صامت بیان کرتے ہیں نبی اکرم (صلی اللہ علیہ وآلہ وسلم) نے فرمایا جو شخص رات کے وقت نیند سے بیدار ہو کر یہ دعا پڑھے۔ اللہ کے علاوہ کوئی معبود نہیں ہے وہ ایک ہے اس کا کوئی شریک نہیں ہے بادشاہی اس کے لیے ہے حمد اس کے لیے ہے وہ ہر چیز پر قادر ہے اللہ پاک ہے ہر طرح کی حمد اللہ کے لیے ہی ہے اللہ کے علاوہ کوئی معبود نہیں ہے اور اللہ سب سے بڑا ہے اور اللہ کی مدد کے بغیر کوئی قوت اور طاقت حاصل نہیں ہوسکتی۔ پھر وہ یہ پڑھے اے اللہ تو مجھے بخش دے پھر وہ شخص دعا کرے تو اس شخص کی دعا قبول ہوگی اور اگر وہ اٹھ کر وضو کرکے نماز پڑھے تو اس کی وہ نماز بھی قبول ہوگی۔