حضرت ابوہریرہ (رض) نبی اکرم (صلی اللہ علیہ وآلہ وسلم) کے حوالے سے یہ روایت نقل کرتے ہیں میری امت کے ستر ہزار افراد بغیر کسی حساب کے جنت میں داخل ہوجائیں گے۔ حضرت عکاشہ نے عرض کی یا رسول اللہ اللہ سے دعا کریں مجھے بھی ان لوگوں میں شامل کردے نبی اکرم (صلی اللہ علیہ وآلہ وسلم) نے دعا کردی۔ ایک اور صاحب نے عرض کی یا رسول اللہ آپ اللہ سے میرے لیے بھی دعا کریں نبی اکرم (صلی اللہ علیہ وآلہ وسلم) نے ارشاد فرمایا اس بارے میں عکاشہ تم سے سبقت لے گیا ہے۔