حضرت ابوہریرہ (رض) روایت کرتے ہیں نبی اکرم (صلی اللہ علیہ وآلہ وسلم) نے ارشاد فرمایا میری امت کا سب سے پہلا گروہ جو جنت میں جائے گا وہ چودھویں رات کے چاند جیسے لوگ ہوں گے پھر اس کے بعد جو لوگ ہوں گے وہ آسمان میں موجود سب سے چمکدار ستارے جیسے ہوں گے حضرت عکاشہ کھڑے ہوئے اور عرض کی یا رسول اللہ آپ اللہ سے دعا کریں کہ مجھے ان لوگوں میں شامل کردیں آپ نے یہ دعا کی اے اللہ اسے بھی ان لوگوں میں شامل کردیں پھر ایک اور صاحب کھڑے ہوئے اور عرض کی یا رسول اللہ آپ اللہ سے دعا کریں کہ مجھے بھی ان لوگوں میں شامل کردے نبی اکرم (صلی اللہ علیہ وآلہ وسلم) نے فرمایا عکاشہ تم سے پہل کر گیا ہے۔