توبہ عنبری ارشاد فرماتے ہیں امام شعبی نے مجھ سے کہا کیا تم نے غور کیا ہے وہ فلاں شخص یہ کہہ دیتا ہے کہ نبی اکرم (صلی اللہ علیہ وآلہ وسلم) نے یہ ارشاد فرمایا ہے میں حضرت عبداللہ بن عمر (رض) کی خدمت میں دو برس یا شاید ڈیڑھ برس تک رہاہوں لیکن میں نے انھیں کبھی نہیں سنا کہ نبی اکرم (صلی اللہ علیہ وآلہ وسلم) کے حوالے سے کوئی حدیث بیان کی ماسوائے ان چند احادیث کہ جو میں تمہارے سامنے بیان کرچکا ہوں۔