محمد بن سعد اپنے والد کا یہ بیان نقل کرتے ہیں نبی اکرم (صلی اللہ علیہ وآلہ وسلم) ان کے پاس تشریف لائے وہ اس وقت مکہ میں تھے ان کی صرف ایک بیٹی تھی وہ فرماتے ہیں میں نے عرض کی میری صرف ایک ہی بیٹی ہے کیا اپنے پورے مال کو صدقہ کرنے کی وصیت کردوں نبی اکرم (صلی اللہ علیہ وآلہ وسلم) نے ارشاد فرمایا نہیں میں نے عرض کی میں نصف مال وصیت کردوں نبی اکرم (صلی اللہ علیہ وآلہ وسلم) نے ان سے فرمایا نہیں حضرت سعد بیان کرتے ہیں پھر میں نے عرض کی ایک تہائی مال وصیت کردوں نبی اکرم (صلی اللہ علیہ وآلہ وسلم) نے ارشاد فرمایا تہائی کی وصیت ویسے بھی زیادہ ہے۔