حضرت زید بن ارقم روایت کرتے ہیں ایک دن نبی اکرم (صلی اللہ علیہ وآلہ وسلم) نے خطبہ دیتے ہوئے اللہ کی حمد بیان کی اور فرمایا اے لوگو میں ایک انسان ہوں عنقریب میرے پروردگار کا فرستادہ میرے پاس آجائے گا اور مجھے اس کی بات ماننا ہوگی میں تمہارے درمیان دو اہم چیزیں چھوڑے جارہاہوں ان میں سے پہلی چیز اللہ کی کتاب ہے جس میں ہدایت اور نور ہے تم اللہ کی کتاب کو مضبوطی سے تھامے رکھو اور اس کے مطابق فیصلہ کرو نبی اکرم (صلی اللہ علیہ وآلہ وسلم) نے اس پر ابھارا اور اس کی ترغیب دی۔ پھر آپ نے ارشاد فرمایا دوسری چیز میرے اہل بیت ہیں میں اپنے اہل بیت کے بارے میں تمہیں اللہ کی یاد دلاتا ہوں راوی بیان کرتے ہیں یہ بات آپ نے تین مرتبہ ارشاد فرمائی۔