عامر بن واثلہ بیان کرتے ہیں نافع بن عبدالحارث عسفان کے مقام پر حضرت عمر سے ملے حضرت عمر نے انھیں مکہ کا گورنر مقرر کیا تھا انھوں نے حضرت عمر کو سلام کیا تو حضرت عمر نے ان سے دریافت کیا کیا تم نے مکہ میں اپنے نائب کے طور پر کسی شخص کو چھوڑا ہے نافع نے جواب دیا میں نے ابن ابزی کو ان پر اپنا نائب مقرر کیا ہے حضرت عمر نے دریافت کیا ابن ابزی کون ہے انھوں نے جواب دیا ہمارا ایک آزاد کردہ غلام ہے۔ حضرت عمر نے دریافت کیا تم نے ان لوگوں پر ایک غلام کو اپنا نائب مقرر کیا ہے انھوں نے عرض کی اے امیرالمومنین وہ اللہ کی کتاب کا عالم ہے اور علم وراثت کا بھی عالم ہے حضرت عمر نے فرمایا نبی اکرم (صلی اللہ علیہ وآلہ وسلم) نے فرمایا بیشک اللہ اس کی وجہ سے کچھ لوگوں کو سربلندی عطا کرے گا اور کچھ کی حثییت کو کم کردے گا۔