حضرت عبداللہ بن مسعود بیان کرتے ہیں نبی اکرم (صلی اللہ علیہ وآلہ وسلم) کے اصحاب میں سے ایک صحابی کا ایک جن سے سامنا ہوگیا ان دونوں کے درمیان کشتی ہوئی تو انسان نے اسے پچھاڑ دیا۔ انسان نے اسے کہا میں دیکھ رہاں کہ تم کمزور اور دبلے پتلے ہو تمہاری پسلیاں یوں ہیں جیسے کتے کی پسلیاں ہوں تم جنات ایسے ہوتے ہو یا ان کے درمیان تمہاری حالت یہ ہے اس نے جواب دیا اللہ کی قسم میں ان میں بہت موٹا تازہ تھا تم میرے ساتھ دوبارہ مقابلہ کرو اگر تم نے مجھے پچھاڑ دیا تو میں تمہیں ایک ایسی چیز کی تعلیم دوں گا جو تمہیں فائدہ دے گی اس انسان نے اس کے ساتھ دوبارہ مقابلہ کر کے اسے پچھاڑ دیا تو وہ جن بولا آؤ میں تمہیں تعلیم دوں اس شخص نے جواب دیا ٹھیک ہے وہ جن بولا اللہ لاالہ الاھو الحی القیوم پڑھا کرو اس آدمی نے جواب دیا ٹھیک ہے جن بولا تم جس گھر میں اسے پڑھو گے اس میں سے شیطان نکل جائے گا اور اس طرح گدھے کی مانند اس کی ہوا خارج ہو رہی ہوگی اور پھر وہ کبھی اس گھر میں داخل نہیں جائے گا۔ امام دارمی فرماتے ہیں اس حدیث میں استعمال ہونے والا لفظ ضئیل سے مراد کمزور ہونا ہے اور شخیث سے مراد کمزور جسم کا مالک ہونا ہے اور ضلیع سے مراد تازہ ہونا ہے اور خیج کا مطلب ہوا ہے۔