حضرت عبداللہ بن عمرو (رض) فرماتے ہیں میں نے عرض کی یا رسول اللہ میں کتنے عرصے میں قرآن ختم کیا کروں نبی اکرم (صلی اللہ علیہ وآلہ وسلم) نے فرمایا تم اسے ایک مہینے میں ختم کرلیا کرو۔ میں نے عرض کی یا رسول اللہ میں اس سے زیادہ کی طاقت رکھتا ہوں نبی اکرم (صلی اللہ علیہ وآلہ وسلم) نے فرمایا تم پچیس دن میں ختم کرلیا کرو میں نے عرض کی میں اس سے بھی زیادہ کی طاقت رکھتا ہوں نبی اکرم (صلی اللہ علیہ وآلہ وسلم) نے فرمایا تم اسے پندرہ دن میں ختم کرلیا کرو۔ میں نے عرض کی میں اس سے بھی زیادہ کی طاقت رکھتا ہوں آپ نے فرمایا تم اسے دس دن میں ختم کرلیا کرو میں نے عرض کی میں اس سے بھی زیادہ کی طاقت رکھتا ہوں آپ نے فرمایا تم اسے پانچ دن میں ختم کرلیا کرو میں نے عرض کی میں اس سے بھی زیادہ کی طاقت رکھتا ہوں آپ نے فرمایا نہیں۔ اس سے زیادہ جلدی نہیں ختم کرنا۔