حضرت ابوسعید (رض) بیان کرتے ہیں کہ نبی اکرم (صلی اللہ علیہ وآلہ وسلم) کھجور کے ایک تنے کے ساتھ ٹیک لگا کر خطبہ دیا کرتے تھے ایک رومی شخص آپ کی خدمت میں حاضر ہوا اور عرض کی میں آپ کے لیے ایک منبر بنا دیتا ہوں۔ آپ اس پر بیٹھ کر خطبہ دیا کریں۔ اس شخص نے نبی اکرم (صلی اللہ علیہ وآلہ وسلم) کے لیے یہی منبر بنادیا جسے تم لوگ دیکھتے ہو حضرت ابوسعید بیان کرتے ہیں جب نبی اکرم (صلی اللہ علیہ وآلہ وسلم) خطبہ دینے کے لیے اس منبر پر کھڑے ہوئے تو کھجور کے اس تنے نے یوں رونا شروع کردیا جیسے کوئی اونٹنی اپنے بچوں کی وجہ سے روتی ہے۔ نبی اکرم (صلی اللہ علیہ وآلہ وسلم) اترے اس تنے کے پاس آئے آپ نے اسے بھینچ لیا تو اسے سکون آیا۔ نبی اکرم (صلی اللہ علیہ وآلہ وسلم) کے حکم کے تحت زمین کھود کر اس تنے کو دفن کردیا گیا۔