حضرت جابر بیان کرتے ہیں ایک مرتبہ حضرت عمر بن خطاب نبی اکرم (صلی اللہ علیہ وآلہ وسلم) کی خدمت میں توراۃ کا ایک نسخہ لے کر حاضر ہوئے اور عرض کی اے اللہ کے رسول یہ توراۃ کا ایک نسخہ ہے نبی اکرم (صلی اللہ علیہ وآلہ وسلم) خاموش رہے حضرت عمر نے اسے پڑھنا شروع کردیا نبی اکرم (صلی اللہ علیہ وآلہ وسلم) کے چہرہ مبارک کا رنگ تبدیل ہونے لگا۔ حضرت ابوبکر (رض) نے کہا تمہیں عورتیں روئیں کیا تم نبی اکرم (صلی اللہ علیہ وآلہ وسلم) کے چہرہ مبارک کی طرف دیکھ نہیں رہے ؟ حضرت عمر نے نبی اکرم (صلی اللہ علیہ وآلہ وسلم) کے چہرہ مبارک کی طرف دیکھا تو عرض کی میں اللہ اور اس کے رسول کی ناراضگی سے اللہ کی پناہ مانگتا ہوں ہم اللہ کے پروردگار ہونے اسلام کے دین حق ہونے اور حضرت محمد (صلی اللہ علیہ وآلہ وسلم) کے نبی ہونے پر ایمان رکھتے ہیں۔ نبی اکرم (صلی اللہ علیہ وآلہ وسلم) نے ارشاد فرمایا اس ذات کی قسم جس کے دست قدرت میں محمد (صلی اللہ علیہ وآلہ وسلم) کی جان ہے اب اگر موسیٰ تمہارے سامنے آجائیں اور تم ان کی پیروی کرو اور مجھے چھوڑ دو تو تم سیدھے راستے سے بھٹک جاؤ گے اور اگر آج موسیٰ زندہ ہوتے اور میری نبوت کا زمانہ پالیتے تو وہ بھی میری پیروی کرتے۔