حضرت ابوعبید بیان کرتے ہیں۔ انھوں نے نبی اکرم (صلی اللہ علیہ وآلہ وسلم) کے لیے ایک ہنڈیا میں کھانا تیار کیا۔ نبی اکرم (صلی اللہ علیہ وآلہ وسلم) نے ان سے کہا تم ایک پائے کی بوٹی دو ۔ نبی اکرم (صلی اللہ علیہ وآلہ وسلم) کو پائے کی بوٹی پسند تھی۔ حضرت ابوعبید نے پائے کی بوٹی ان کی طرف بڑھا دی۔ پھر نبی اکرم (صلی اللہ علیہ وآلہ وسلم) نے ارشاد فرمایا۔ ایک پائے کی بوٹی مجھے دو ۔ میں نے عرض کی اے اللہ کے نبی ایک بکری کے کتنے پائے ہوسکتے ہیں۔ نبی اکرم (صلی اللہ علیہ وآلہ وسلم) نے ارشاد فرمایا اس ذات کی قسم جس کے دست قدرت میں میری جان ہے۔ اگر تم خاموش رہتے تو جب تک میں تم سے پائے مانگتا رہتاتم دیتے رہتے۔