حضرت ابوہریرہ (رض) بیان کرتے ہیں بنو مدلج سے تعلق رکھنے والے حضرات نبی اکرم (صلی اللہ علیہ وآلہ وسلم) کی خدمت میں حاضر ہوئے اور عرض کی یا رسول اللہ ہم سمندر میں رہتے ہی اور کشتی میں بیٹھ کر سمندری جانوروں کا شکار کرتے ہیں ہمیں ایک دو تین چار راتوں تک سمندر میں رہنا پڑتا ہے۔ ہم اپنے ہمراہ میٹھا پانی لے جاتے ہیں اگر ہم اس پانی کے ذریعے وضو کریں تو ہمیں اپنے پیاسے رہ جانے کا اندیشہ ہوگا اور اگر ہم اپنی پیاس کو ترجیح دیتے ہوئے سمندر کے پانی سے وضو کریں تو ہمیں الجھن محسوس ہوتی ہے شاید اس کے ذریعے وضو کرنا درست نہ ہو ؟ نبی اکرم (صلی اللہ علیہ وآلہ وسلم) نے جواب دیا اس یعنی سمندر کے پانی سے وضو کرلو کیونکہ اس کا پانی پاک ہے اس کا مردار حلال ہے۔