حضرت کعب بن مالک کی صاحبزادی کبشہ بیان کرتی ہیں حضرت ابوقتادہ (رض) انصاری جو اس خاتون کے سسر تھے ان کے ہاں تشریف لائے انھوں نے حضرت ابوقتادہ (رض) کے لیے وضو کا پانی رکھا ایک بلی آئی اور وہ پانی پینے لگی۔ حضرت ابوقتادہ (رض) نے وہ برتن بلی کی طرف جھکا دیا یہاں تک کہ اس نے اچھی طرح پانی پی لیا کبشہ بیان کرتی ہیں حضرت ابوقتادہ (رض) نے مجھے غور سے اپنی طرف دیکھتے ہوئے دیکھا اور فرمایا اے بی بی تم حیران ہو رہی ہو ؟ میں نے جواب دیا جی ہاں انھوں نے جواب دیا نبی اکرم (صلی اللہ علیہ وآلہ وسلم) نے فرمایا یہ بلی نجس نہیں ہوتی یہ ان جانوروں میں سے ایک ہے جو تمہارے گھر آتے جاتے ہیں۔