حضرت عائشہ (رض) بیان کرتی ہیں ام حبیبہ بنت جحش استحاضہ کا شکار ہو کر رہ گئیں وہ حضرت عبدالرحمن بن عوف کی اہلیہ تھی وہ سات برس تک اس میں مبتلا رہیں انھوں نے نبی اکرم (صلی اللہ علیہ وآلہ وسلم) کی خدمت میں شکایت کی تو نبی اکرم (صلی اللہ علیہ وآلہ وسلم) نے ارشاد فرمایا یہ حیض نہیں ہے بلکہ یہ کسی دوسری رگ کا خون ہے جب حیض آجائے تو نماز پڑھنا ترک کردو اور جب وہ ختم ہوجائے تو غسل کر کے نماز پڑھنا شروع کردو۔ سیدہ عائشہ (رض) بیان کرتی ہیں وہ خاتون ہر نماز کے وقت غسل کر کے نماز پڑھتی وہ ایک بڑے ٹب میں بیٹھا کرتی تھیں جو ان کی بہن سیدہ زینب کا تھا ان کے خون کی سرخی پانی پر غالب آجاتی تھی۔