عطاء بن ابی رباح مستحاضہ عورت کے بارے میں فرماتے ہیں وہ حیض کے مخصوص ایام کے بعد ایک یا دو دن تک نماز نہ پڑھے اور پھر غسل کرے پھر جب ظہر کی نماز کا وقت ہو تو وہ دیکھے زرد یا مٹیالا مواد خارج ہوا ہو تو وضو کر کے نماز پڑھ لے اور اگر خون خارج ہوا ہو تو وہ ظہر کی نماز کو موخر کردے اور عصر کی نماز جلدی ادا کرے یہ دونوں نمازیں ایک ہی غسل کرنے کے بعد ادا کرے گی اور پھر جب سورج غروب ہوجائے تو پھر دیکھے اگر تری یا زرد مٹیالا مواد خارج ہوا تو وضو کر کے نماز پڑھ لے اور اگر خون خارج ہوا ہے تو مغرب کی نماز کو موخر کر کے عشاء کی نماز جلدی ادا کرے وہ ایک مرتبہ غسل کر کے یہ نمازیں ادا کرے پھر جب صبح صادق کا وقت ہو تو دیکھے یعنی زرد یا مٹیالا مواد خارج ہوا ہو تو وضو کر کے نماز پڑھ لے اور اگر خون ہو تو غسل کرے اور فجر کی نماز ادا کرے یعنی وہ عورت روزانہ تین مرتبہ غسل کرے گی۔ امام دارمی فرماتے ہیں میرے نزدیک قرء سے مراد حیض ہے۔