حضرت ابن عباس (رض) مستحاضہ عورت کے بارے میں فرماتے ہیں وہ ہر نماز کے وقت غسل کر کے نماز ادا کرے گی۔ حماد فرماتے ہیں اگر استحاضہ کی شکار کوئی عورت اس حالت کی وجہ سے کئی ماہ تک نماز ادا نہ کرے تو وہ ان تمام نمازوں کی قضاء ادا کرے گی ان سے سوال کیا گیا وہ تمام نمازوں کی قضا کیسے ادا کرے گی ؟ تو انھوں نے جواب دیا اگر وہ ایسا کرسکتی ہو تو ایک ہی دن میں تمام نمازوں کی قضا ادا کرے گی۔ راوی کہتے ہیں امام ابومحمد عبداللہ دارمی سے دریافت کیا گیا آپ بھی اسی بات کے قائل ہیں انھوں نے جواب دیا ہاں اللہ کی قسم میں بھی اسی بات کا قائل ہوں۔