نبیہ بن وہب بیان کرتے ہیں حضرت کعب سیدہ عائشہ کی خدمت میں حاضر ہوئے لوگوں نے نبی اکرم (صلی اللہ علیہ وآلہ وسلم) کا تذکرہ چھیڑا تو حضرت کعب نے کہا : روزانہ ستر ہزار فرشتے نیچے اترتے ہیں اور نبی اکرم (صلی اللہ علیہ وآلہ وسلم) کی قبر مبارک کو گھیر لیتے ہیں وہ اپنے پر اس کے ساتھ مس کرتے ہیں اور نبی اکرم (صلی اللہ علیہ وآلہ وسلم) پر درود بھیجتے ہیں۔ یہاں تک کہ شام کے وقت وہ اوپر چلے جاتے ہیں اور اتنے ہی فرشتے نیچے اترتے ہیں اور وہ بھی یہی عمل کرتے ہیں۔ یہاں تک کہ جب نبی اکرم (صلی اللہ علیہ وآلہ وسلم) کی قبر (قیامت کے دن) کشادہ ہوگی آپ ستر ہزار فرشتوں کے جلو میں تشریف لائیں گے۔