Sunan Al Daraqutni: Hadith 1057

1057 ۔ حضرت براء (رض) بیان کرتے ہیں : نبی کریم (صلی اللہ علیہ وآلہ وسلم) کی مدینہ منورہ تشریف آوری کے بعد تقریبا سولہ ماہ تک ہم لوگ نبی کریم (صلی اللہ علیہ وآلہ وسلم) کی اقتداء میں بیت المقدس کی طرف رخ کرکے نماز ادا کرتے رہے اللہ تعالیٰ اپنے نبی کریم (صلی اللہ علیہ وآلہ وسلم) کی خواہش سے واقف تھا اس نے یہ آیت نازل کی :
'' ہم تمہارے چہرے کا آسمان کی طرف اٹھنا دیکھ رہے ہیں ہم تمہیں اس قبلہ کی طرف پھیر دیں گے جس سے تم راضی ہوجاؤگے تو تم اپنا رخ مسجد حرام کی طرف کرلو۔ ''
تو اللہ نے نبی کریم (صلی اللہ علیہ وآلہ وسلم) کو یہ حکم دیا : آپ اپنا رخ خانہ کعبہ کی طرف کرلیں۔ (راوی کہتے ہیں :) ایک شخص ہمارے پاس سے گزرا ہم لوگ اس وقت بیت المقدس کی طرف رخ کرکے نماز ادا کررہے تھے اس شخص نے بتایا تمہارے نبی نے اپنا رخ خانہ کعبہ کی طرف کرلیا ہے (یعنی وہ اس طرف رخ کرکے نماز ادا کرنے لگے ہیں) تو ہم نے اپنا رخ خانہ کعبہ کی طرف کرلیا، حالانکہ ہم اس وقت دو رکعت نماز اد ا کرچکے تھے۔