Sunan Al Daraqutni: Hadith 1076

1076 ۔ حضرت ابوہریرہ (رض) بیان کرتے ہیں : ایک شخص کھڑا ہوا اس نے عرض کی یارسول اللہ : کیا کوئی شخص ایک کپڑے میں نماز ادا کرسکتا ہے ؟ نبی کریم (صلی اللہ علیہ وآلہ وسلم) نے ارشاد فرمایا، تم سب لوگوں کے پاس دوکپڑے ہیں ؟
راوی بیان کرتے ہیں : حضرت عمر (رض) کے زمانے میں ایک شخص ان کے سامنے کھڑا ہوا اور بولا : اے امیرالمومنین کیا کوئی شخص ایک کپڑا پہن کر نماز دا کرسکتا ہے ؟ تو حضرت عمر (رض) نے ارشاد فرمایا : جب اللہ نے تمہیں گنجائش دی ہے تو تم بھی اپنے آپ کو گنجائش دو۔
راوی بیان کرتے ہیں : اس کے بعد وہ شخص تہبند پہن کر اوپر چادر اوڑھ کر یاقمیص پہن کر اور تہبند پہن کر، یاشلوار پر قباء پہن کر یاشلوار پہن کر اور اوپرچادر لپیٹ کر یاشلوار پہن کر اور اوپرقمیض پہن کر یاقبا پہن کر نماز پڑھا کرتا تھا۔
راوی کو شک ہے : شاید یہ الفاظ ہیں : وہ پائجامہ اور قمیص پہن کر یاپائجامہ پہن کر اوپر چادر لپیٹ کر یاپائجامہ پہن کر اوپر قباء پہن کر نماز ادا کیا کرتا تھا۔