Sunan Al Daraqutni: Hadith 1096

1096 ۔ سالم اپنے والد (حضرت عبداللہ بن عمر (رض)) کا یہ بیان نقل کرتے ہیں : نبی کریم (صلی اللہ علیہ وآلہ وسلم) جب نماز کے لیے کھڑے ہوتے تو اپنے دونوں ہاتھ بلند کرتے یہاں تک کہ وہ دونوں آپ کے کندھوں کے مقابل آجاتے پھر آپ (صلی اللہ علیہ وآلہ وسلم) اس کے ساتھ تکبیر کہتے ، پھر جب آپ رکوع میں جانے لگتے تو ان دونوں کو بلند کرتے، یہاں تک کہ وہ دونوں آپ کے کندھوں کے مقابل آجاتے پھر آپ (صلی اللہ علیہ وآلہ وسلم) رکوع میں چلے جاتے ، پھر جب آپ رکوع سے اٹھتے تو ان دونوں کو بلند کرتے یہاں تک کہ یہ دونوں آپ کے کندھوں کے مقابل آجاتے ، پھر آپ ، سمع اللہ لمن حمدہ، پڑھتے پھر آپ (صلی اللہ علیہ وآلہ وسلم) سجدے میں چلے جاتے ، البتہ سجدوں کے درمیان آپ (صلی اللہ علیہ وآلہ وسلم) رفع یدین نہیں کرتے تھے پوری نماز کے دوران جب بھی آپ رکوع میں جاتے ہوئے تکبیر کہتے تورفع یدین کرتے تھے۔