Sunan Al Daraqutni: Hadith 1184

1184 ۔ ابن ابی ملیکہ بیان کرتے ہیں : میں نے حضرت سیدہ عائشہ (رض) کو سنا، ان سے قرآن کی ایک آیت کے بارے میں دریافت کیا گیا تو انھوں نے یہ پڑھا :
'' اللہ تعالیٰ کے نام سے برکت حاصل کرتے ہوئے آغاز کرتی ہوں جو بڑا مہربان اور نہایت رحم والا ہے ، الم ، اللہ تعالیٰ کی ذات وہ ہے جس کے علاوہ کوئی معبود نہیں ہے وہ حی اور قیوم ہے اس نے تم پر کتاب نازل کی ہے۔ یہ آیت یہاں تک ہے :
'' وہ لوگ اس کی پیروی کرتے ہیں جو اس میں متشابہ ہیں تاکہ وہ فتنہ تلاش کریں اور اس کی تاویل تلاش کریں ، حالانکہ اس کی تاویل کو صرف اللہ تعالیٰ جانتا ہے اور جن لوگوں کو علم میں رسوخ حاصل ہوتا ہے وہ یہ کہتے ہیں ہم اس پر ایمان لائے۔
سیدہ عائشہ صدیقہ (رض) فرماتی ہیں جب تم ایسے لوگوں کو دیکھو تو یہ وہی لوگ ہوں گے جن کا ذکر اللہ نے کیا ہے تو تم ان سے بچو۔