Sunan Al Daraqutni: Hadith 1221

1221 ۔ حضرت جابر بن عبداللہ (رض) بیان کرتے ہیں : ایک شخص نے نبی کریم (صلی اللہ علیہ وآلہ وسلم) کی اقتداء میں ظہر اور عصر کی نماز میں قرات کی ، ایک دوسرے شخص نے اس کو اشارے سے روکا، جب وہ نماز پڑھ کر فارغ ہوا توپہلا شخص بولا کیا تم مجھے نبی کریم (صلی اللہ علیہ وآلہ وسلم) کی اقتداء میں قرات کرنے سے روک رہے ہو، ان دونوں کے درمیان بحث چھڑ گئی یہاں تک کہ نبی کریم (صلی اللہ علیہ وآلہ وسلم) نے بھی اس بات کو سن لیا، آپ (صلی اللہ علیہ وآلہ وسلم) نے ارشاد فرمایا، جو شخص امام کی اقتداء میں نماز ادا کررہاہو تو امام کی قرات اس شخص کی قرات شمار ہوتی ہے۔
ابوالولید نامی راوی مجہول ہے اس کی سند میں حضرت جابر (رض) سے منقول ہونے کا ذکر صرف امام ابوحنیفہ نے کیا ہے یہی روایت ایک اور سند کے حوالے سے بھی منقول ہے۔