Sunan Al Daraqutni: Hadith 1227

1227 ۔ یہ روایت ایک اور سند کے ہمراہ موقوف روایت کے طور پر منقول ہے۔
حضرت عمران بن حصین (رض) بیان کرتے ہیں : نبی کریم (صلی اللہ علیہ وآلہ وسلم) نے ظہر کی نماز ادا کی آپ نے سورة اعلی کی تلاوت کی (نماز سے فارغ ہونے کے بعد) آپ (صلی اللہ علیہ وآلہ وسلم) نے دریافت کیا تم میں سے کون شخص قرات کررہا تھا ایک شخص نے عرض کی میں نبی کریم (صلی اللہ علیہ وآلہ وسلم) نے فرمایا مجھے اندازہ ہوگیا تھا کہ تم میں سے کوئی ایک شخص میری قرات میں رکاوٹ ڈال رہا ہے۔
شعبہ نامی راوی بیان کرتے ہیں میں نے قتادہ سے دریافت کیا کیا نبی کریم (صلی اللہ علیہ وآلہ وسلم) نے اس بات کو ناپسند قرار دیا تھا ؟ انھوں نے کہا، نبی کریم (صلی اللہ علیہ وآلہ وسلم) نے اسے ناپسند قرار دیا ہوتا تو اس سے منع فرما دیتے۔