Sunan Al Daraqutni: Hadith 1235

1235 ۔ حطان بن عبداللہ رقاشی بیان کرتے ہیں : حضرت ابوموسی اشعری (رض) کی اقتداء میں ہم نے عشاء کی نماز ادا کی ۔ اس کے بعد انھوں نے طویل حدیث ذکر کی ہے جس میں یہ الفاظ ہیں :
'' نبی کریم (صلی اللہ علیہ وآلہ وسلم) نے ہمیں خطبہ دیا آپ (صلی اللہ علیہ وآلہ وسلم) نے ہمیں نماز کا طریقہ سکھایا اور ہمارے سامنے اپنی سنت کو بیان کیا۔ آپ (صلی اللہ علیہ وآلہ وسلم) نے ارشاد فرمایا : تم لوگ صفوں کو قائم رکھو (یعنی سیدھا رکھو) پھر تم میں سے کوئی ایک شخص تمہاری امامت کرے جب وہ تکبیر کہے تو تم بھی تکبیر کہو جب وہ قرات کرے تو تم لوگ خاموش ہوجاؤ۔
یہی روایت بعض دیگراسناد کے حوالے سے منقول ہے تاہم بعض راویوں نے اس میں یہ الفاظ نقل کیے ہیں :
'' اور جب وہ قرات کرے تو تم لوگ خاموش رہو ''۔