Sunan Al Daraqutni: Hadith 125

سالم بن عبداللہ اپنے والد (حضرت عبداللہ بن عمر (رض)) کا یہ بیان نقل کرتے ہیں : نبی اکرم (صلی اللہ علیہ وآلہ وسلم) نے ارشاد فرمایا ہے : جب کوئی شخص نیند سے بیدار ہو، تو وہ اپنا ہاتھ برتن میں اس وقت تک نہ ڈالے جب تک اسے تین مرتبہ دھو نہ لے، کیونکہ وہ یہ نہیں جانتا کہ اس کا ہاتھ رات کے وقت کہاں رہا ہے یا اس کے ہاتھ نے کہاں کا طواف کیا ہے ؟
ایک شخص نے حضرت عبداللہ بن عمر (رض) سے یہ کہا : آپ کا کیا خیال ہے ؟ اگر وہ شخص حوض سے وضو کرنا چاہ رہا ہو (تو پھر بھی اسے ایسا کرنا پڑے گا) ؟ تو حضرت ابن عمر (رض) نے اسے کنکری ماری اور بولے : میں تمہیں نبی اکرم (صلی اللہ علیہ وآلہ وسلم) کے حوالے سے حدیث سنارہا ہوں اور تم یہ کہہ رہے ہو ” آپ کا کیا خیال ہے، اگر اس نے حوض سے وضو کرنا ہو ؟ “ اس روایت کی سند ” حسن “ ہے۔