Sunan Al Daraqutni: Hadith 1255

1255 ۔ حضرت وائل بن حجر (رض) بیان کرتے ہیں : میں نے نبی کریم (صلی اللہ علیہ وآلہ وسلم) کی اقتداء میں نماز ادا کی میں نے آپ (صلی اللہ علیہ وآلہ وسلم) کوسنا، جب آپ نے ، غیرالمغضوب علیہم ولاالضالین، پڑھا تو آپ نے آمین کہا آپ نے اس کو اپنی آواز کو پست رکھا۔ نماز کے دوران آپ (صلی اللہ علیہ وآلہ وسلم) نے اپنا دایاں دست مبارک بائیں ہاتھ پر رکھا تھا اور آپ نے دائیں طرف اور بائیں طرف سلام پھیرا۔
شعبہ نامی راوی نے یہ الفاظ نقل کیے ہیں : نبی کریم (صلی اللہ علیہ وآلہ وسلم) نے پست آوا زمین آمین کہی تھی۔ ایک قول کے مطابق اس روایت میں انھیں وہم ہوا ہے کیونکہ دیگر راویوں نے اسے سلمہ نامی راوی کے حوالے سے نقل کیا ہے اور یہی بات نقل کی ہے : نبی کریم (صلی اللہ علیہ وآلہ وسلم) نے بلند آواز میں آمین کہی تھی اور یہی روایت درست ہے۔