Sunan Al Daraqutni: Hadith 1259

1259 ۔ حضرت سمرہ (رض) بیان کرتے ہیں : مجھے نبی کریم (صلی اللہ علیہ وآلہ وسلم) کے بارے میں یہ بات یاد ہے آپ نماز کے دوران دو مرتبہ سکوت کرتے تھے ، ایک اس وقت جب امام نے تکبیر کہہ دی ہو اور قرات شروع کرنی ہو اور دوسرا سکوت اس وقت ہوتا تھا جب آپ سورة فاتحہ پڑھ کر فارغ ہوتے تھے۔
حضرت عمران بن حصین (رض) نے اس بات کو تسلیم نہیں کیا، تو ان لوگوں نے مدینہ منورہ میں حضرت ابی بن کعب (رض) کو اس بارے میں خط لکھا تو انھوں نے حضرت سمرہ (رض) کے بیان کی تصدیق کی۔
حسن بصری کے حضرت سمرہ (رض) سے احادیث کے سماع کے بارے میں اختلاف کیا گیا ہے حسن بصری نے ان سے ایک حدیث سنی ہے اور یہ وہ حدیث ہے جو عقیقہ کے بارے میں ہے جسے قریش بن انس نے حبیب نامی راوی سے نقل کیا ہے۔