Sunan Al Daraqutni: Hadith 1264

1264 ۔ حضرت ابودرداء (رض) بیان کرتے ہیں : ایک شخص کھڑا ہوا اس نے عرض کی : یارسول اللہ : کیا ہر رکعت میں تلاوت کی جائے گی ؟ نبی کریم (صلی اللہ علیہ وآلہ وسلم) نے ارشاد فرمایا جی ہاں۔ حاضرین میں سے ایک بولے یہ لازم ہوگئی ہے ۔
(اس روایت کے راوی) حضرت ابودرداء نے (اپنے شاگرد سے ) فرمایا اے کثیر :(کثیر کہتے ہیں : میں اس وقت ان کے پہلو میں موجود تھا ) میں یہ سمجھتاہوں امام جب لوگوں کو نماز پڑھارہوتو اس کا قرات کرنا ہی ان لوگوں کے لیے کافی ہوگا۔ یہی روایت بعض دیگراسناد کے ہمراہ منقول ہے تاہم ان میں یہ الفاظ ہیں :
نبی کریم (صلی اللہ علیہ وآلہ وسلم) نے یہ بات ارشاد فرمائی میں یہ سمجھتاہوں کہ امام کا قرات کرلینا اور ان لوگوں کے لیے کافی ہوگا۔
راوی کو اس روایت میں وہم ہوا ہے درست یہ ہے : یہ الفاظ حضرت ابودرداء کے ہیں جیسا کہ ابن وہب نامی راوی نے نقل کیا ہے ، باقی اللہ بہتر جانتا ہے۔