Sunan Al Daraqutni: Hadith 129

حضرت ضحاک بن قیس فہری (رض) بیان کرتے ہیں : نبی اکرم (صلی اللہ علیہ وآلہ وسلم) نے ارشاد فرمایا ہے : اللہ تعالیٰ یہ ارشاد فرماتا ہے : میں شریک سے پاک ہوں تو جو شخص میرے ساتھ کسی کو شریک کرے گا، تو وہ عمل میرے شریک کے لیے ہوگا (یعنی اسی سے وہ شخص اپنے بدلے کا طلبگار ہو)
(نبی اکرم (صلی اللہ علیہ وآلہ وسلم) نے فرمایا :) اے لوگو ! اپنے اعمال کو اللہ کے لیے خالص کرلو ! کیونکہ اللہ تعالیٰ صرف اس عمل کو قبول کرے گا جو خالص اس کے لیے ہو، اور تم یہ نہ کہو یہ اللہ تعالیٰ کے لیے ہے اور یہ رشتہ داری کی وجہ سے ہے۔
اس کی وجہ یہ ہے : وہ رشتے داری کے حوالے سے ہوگا، اس کا اللہ تعالیٰ کے ساتھ کوئی واسطہ نہیں ہوگا اور تم یہ بھی نہ کہو : یہ اللہ تعالیٰ کے لیے ہے اور یہ تمہاری وجہ سے ہے، کیونکہ وہ تمہاری وجہ سے ہی ہوگا، اس کا اللہ تعالیٰ کے ساتھ کوئی واسطہ نہیں ہوگا۔