Sunan Al Daraqutni: Hadith 1311

1311 ۔ حضرت عبدالہ بن مسعود (رض) بیان کرتے ہیں : تشہد فرض ہونے سے پہلے ہم یہ پڑھا کرتے تھے : اللہ تعالیٰ پر سلام ہو جبرائیل اور میکائیل پر سلام ہو۔ نبی کریم (صلی اللہ علیہ وآلہ وسلم) نے ارشاد فرمایا : تم یہ نہ پڑھا کرو کیونکہ اللہ تعالیٰ خود سلامتی عطا کرنے والا ہے بلکہ تم یہ پڑھا کرو :
'' تمام جسمانی اور قولی عبادتیں پاکیزہ عبادتیں اللہ کے لیے مخصوص ہیں اے نبی ! آپ پر سلام ہو اللہ کی رحمتیں اور اس کی برکتیں نازل ہوں ہم پر اللہ کے نیک بندوں پر بھی سلام ہو، میں اس بات کی گواہی دیتاہوں کہ اللہ کے علاوہ کوئی معبود نہیں ہے اور میں اس بات کی بھی گواہی دیتاہوں کہ حضرت محمد (صلی اللہ علیہ وآلہ وسلم) اس کے بندے اور اس کے رسول ہیں۔
اس کی سند مستند ہے۔