Sunan Al Daraqutni: Hadith 142

حضرت سلمان فارسی (رض) کے بارے میں یہ بات منقول ہے : کچھ مشرکین نے ان سے یہ کہا : ہم نے یہ بات نوٹ کی ہے، آپ کے آقا نے آپ کو ہر طرح کی بات کی تعلیم دی ہے، یہاں تک کہ آپ کو استنجاء کرنے کے طریقے کی بھی تعلیم دی ہے، تو حضرت سلمان فارسی (رض) نے جواب دیا : جی ہاں ! نبی اکرم (صلی اللہ علیہ وآلہ وسلم) نے ہمیں اس بات سے منع کیا ہے، ہم میں سے کوئی شخص اپنے دائیں ہاتھ کے ذریعے استنجاء کرے یا قبلہ کی طرف رخ کرکے استنجاء کرے، اور آپ نے ہمیں مینگنی اور ہڈی سے استنجاء کرنے سے بھی منع کیا ہے۔
نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : کوئی شخص تین پتھروں سے کم (پتھروں کے ذریعے ) استنجاء نہ کرے۔ اس حدیث کی سند ” صحیح “ ہے۔